മദ്‌റസ വിട്ട് വരുന്നതിനിടെ സൈക്കിൾ നിയന്ത്രണം വിട്ട് കുളത്തിൽ വീണു വിദ്യാർത്ഥി മരിച്ചു.
കോഴിക്കോട്: ഫാറൂഖ് – കൊളത്തറയിൽ മദ്‌റസ വിട്ട് സൈക്കിളിൽ വീട്ടിലേക്ക് മടങ്ങുമ്പോൾ നിയന്ത്രണം വിട്ട് കൈവരിയില്ലാത്ത കുളത്തിൽ വീണ് വിദ്യാർത്ഥി മരിച്ചു.
ചെറുവണ്ണൂർ കൊളത്തറ അറക്കൽ പാടം അമ്മോത്ത് വീട്ടിൽ മുസാഫിറിന്റെയും സാഹിനയുടെയും മകൻ മുഹമ്മദ് മിർശാദ് (13 ) ആണ് മരിച്ചത്.
കൊളത്തറ മദ്രസങ്ങാടി മനീറുൽ ഇസ്ലാം മദ്രസ ഏഴാം ക്ലാസ് വിദ്യാർത്ഥിയാണ്. രാവിലെ പതിനൊന്നര മണിയോടെ മദ്‌റസ വിട്ട് വരുന്നതിനിടെ വീടിനടുത്തുള്ള വലിയപറമ്പ് കുളത്തിലേക്ക് സൈക്കിൾ നിയന്ത്രണം വിട്ട് വീഴുകയായിരുന്നു.
കുട്ടി കുളത്തിൽ വീണത് ഏറെ വൈകിയാണ് പ്രദേശവാസികൾ അറിഞ്ഞത്. നാട്ടുകാർ ചേർന്ന് ആദ്യം കോയാസ് ആശുപത്രിയിലും തുടർന്ന് മിംസ് ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല.
കൊളത്തറ ആത്മവിദ്യാസംഘം യു.പി. സ്കൂളിലെ ഏഴാം ക്ലാസ് വിദ്യാർത്ഥിയാണ്. സഹോദരങ്ങൾ: ദിൽശാദ്, ശിഫാന
