ബസില്‍ വെച്ച് ലൈംഗികാതിക്രമം, യുവാവിനെ കൈകാര്യം ചെയ്ത് പൊലീസില്‍ ഏല്‍പ്പിച്ച് വിദ്യാര്‍ത്ഥിനി
കെഎസ്ആര്‍ടിസി ബസ്സില്‍ തനിക്ക് നേരെ ലൈഗികാതിക്രമം നടത്തിയ യുവാവിനെ കൈകാര്യം ചെയ്ത് പൊലീസില്‍ ഏല്‍പ്പിച്ച് വിദ്യാര്‍ത്ഥിനി. നെല്ലിമറ്റം എംബിറ്റ്‌സ് എഞ്ചിനീയറിംഗ് കോളജ് വിദ്യാര്‍ത്ഥിനിക്ക് നേരെയാണ് ആക്രമണമുണ്ടായത്. അടിമാലി ചാറ്റുപാറ സ്വദേശി കല്ലുവേലിക്കുഴിയില്‍ അരുണ്‍ ആണ് പൊലീസ് പിടിയിലായത്.
നെടുങ്കണ്ടം-എറണാകുളം റൂട്ടില്‍ സര്‍വ്വീസ് നടത്തുന്ന കെഎസ്ആര്‍ടിസി ബസ്സില്‍ ഇന്ന് രാവിലെയാണ് സംഭവം. നെടുങ്കണ്ടം സ്വദേശിനിയായ വിദ്യാര്‍ത്ഥിനി നെല്ലിമറ്റം എംബിറ്റ്‌സ് കോളജിലേക്ക് ഉള്ള യാത്രയില്‍ ഉറങ്ങി പോയിരുന്നു. അടിമാലി ചാറ്റുപാറയില്‍ നിന്നും കയറിയ യുവാവ് പെണ്‍കുട്ടിക്ക് നേരെ അതിക്രമം കാണിച്ച് ശല്യം ചെയ്തു.
ഇത് തുടര്‍ന്നതോടെ പെണ്‍കുട്ടി തിരുവനന്തപുരം പൊലീസ് കണ്‍ട്രോള്‍ റൂമിലേക്ക് ഫോണ്‍ വഴി മെസ്സേജ് അയച്ചു. തുടര്‍ന്ന് ഊന്നുകല്‍ എസ്‌ഐ ശരത്തിന്റെ നേതൃത്വത്തില്‍ യുവാവിനെ പൊലീസ് സ്റ്റേഷനിലെത്തിക്കുകയുമായിരുന്നു.
ലൈഗികാതിക്രമം നടത്തിയ യുവാവിനെ നന്നായി കൈകാര്യം ചെയ്ത ശേഷമാണ് പൊലീസിന് കൈമാറിയത്. പെണ്‍കുട്ടിക്ക് പരാതിയില്ലാത്തതിനെ തുടര്‍ന്ന് യുവാവിനെ നന്നായി ഉപദേശിശിച്ച് താക്കീത് നല്‍കി വിട്ടയച്ചു.
