ഭാര്യയെ വധിക്കാൻ ശ്രമിച്ചതെന്ന കേസിൽ പരപ്പനങ്ങാടി സ്വദേശിയായ യുവാവ് അറസ്റ്റിൽ
1 min read
പരപ്പനങ്ങാടി : ഭാര്യയെ കൈകൊണ്ട് കഴുത്തിന് അമർത്തിപ്പിടിച്ചും ചെയിൻ ഉപയോഗിച്ച് കഴുത്തിൽ മുറുക്കിയും ശ്വാസം മുട്ടിച്ച് കൊല്ലാൻ ശ്രമിക്കുകയും 13 വയസുള്ള മകളെ ദേഹോപദ്രവം ഏൽപ്പിക്കുകയും ചെയ്തെന്ന കേസിൽ യുവാവിനെ പോലീസ് അറസ്റ്റ് ചെയ്തു.
ചെട്ടിപ്പടി കോയംകുളം വെട്ടിക്കുത്തിനകത്ത് വീട്ടിൽ സൈനുൽ ആബിദിനെ (40) യാണ് പരപ്പനങ്ങാടി പോലീസ് അറസ്റ്റ് ചെയ്തത്.
ഭാര്യയെ സ്ത്രീധനത്തിന്റെ പേരിൽ ദേഹോപദ്രവം ഏൽപ്പിച്ചതിന് ഇയാളുടെ പേരിൽ 498 A IPC പ്രകാരം 2020ൽ പരപ്പനങ്ങാടി പോലീസ് സ്റ്റേഷനിൽ രജിസ്റ്റർ ചെയ്തിരുന്ന ഒരു കേസ് നിലവിൽ പരപ്പനങ്ങാടി കോടതിയുടെ പരിഗണനയിലാണ്. അറസ്റ്റ് ചെയ്ത പ്രതിയെ കോടതിയിൽ ഹാജരാക്കി.
തിരൂർ സബ് ജയിലിൽ 14 ദിവസത്തേക്ക് റിമാന്റ് ചെയ്തു. പരപ്പനങ്ങാടി അഡി.എസ്.ഐ. പരമേശ്വരൻ, പോലീസുകാരായ ദിലീപ്, അനിൽ, രാമചന്ദ്രൻ, സനൽ എന്നിവരുടെ നേതൃത്വത്തിലാണ് കേസന്വേഷണം.
