വിഷക്കായ കഴിച്ച് പെണ്‍കുട്ടികളുടെ ആത്മഹത്യാശ്രമം; ഒരാള്‍ മരിച്ചു
പ്രതീകാത്മക ചിത്രം
കോട്ടയം തലയോലപറമ്പില്‍ വിഷക്കായ കഴിച്ച് ആത്മഹത്യയ്ക്ക് ശ്രമിച്ച പെണ്‍കുട്ടികളില്‍ ഒരാള്‍ മരിച്ചു. സുഹൃത്തുക്കളായ രണ്ട് പെണ്‍കുട്ടികളാണ് ആത്മഹത്യയ്ക്ക് ശ്രമിച്ചത്. തലയോലപറമ്പ്, വെള്ളൂര്‍ സ്വദേശിനികളായ പെണ്‍കുട്ടികളാണ് ജീവനൊടുക്കാന്‍ ശ്രമിച്ചത്.
തലയോലപറമ്പ് സ്വദേശിനിയാണ് മരിച്ചത്. വെള്ളൂര്‍ സ്വദേശിനിയായ പെണ്‍കുട്ടി ഗുരുതരാവസ്ഥയില്‍ കോട്ടയം മെഡിക്കല്‍ കോളജില്‍ ചികിത്സയിലാണ്. ഈ പെണ്‍കുട്ടി നേരത്തെ പോക്‌സോ കേസില്‍ ഇരയായിരുന്നു. ആത്മഹത്യാ ശ്രമത്തിന് കേസുമായി ബന്ധമില്ലെന്നാണ് പൊലീസ് പറഞ്ഞത്.
ഇരുവരും സ്വന്ത്ം വീടുകളില്‍ വെച്ചാണ് വിഷക്കായ കഴിച്ചത്. ഇന്നലെ വൈകീട്ടാണ് പതിനെട്ട് വയസുള്ള പെൺകുട്ടികൾ ഒരുമിച്ച് ഒതളങ്ങ കഴിച്ച് ആത്മഹത്യ ചെയ്തത്. വീട്ടുകാര്‍ ഇവരെ വഴക്കു പറഞ്ഞിരുന്നെന്നും അതേ തുടര്‍ന്നാണ് ആത്മഹത്യയെന്നുമാണ് ബന്ധുക്കള്‍ പൊലീസിന് മൊഴി നല്‍കിയത്.
