‘ലോംഗ് കോവിഡ്’: സ്കാനിംഗിൽ, മറഞ്ഞിരിക്കുന്ന ശ്വാസകോശ ക്ഷതം കണ്ടെത്തി
ലോംഗ് കോവിഡ് പിടിപെട്ട (കോവിഡാനന്തരം അനുഭവപ്പെടുന്ന രോഗലക്ഷണങ്ങൾ) ചിലരുടെ ശ്വാസകോശത്തിൽ മറഞ്ഞിരിക്കുന്ന ക്ഷതങ്ങൾ ഉണ്ടാകാം എന്ന് പഠനം. യുകെയിൽ നടന്ന പ്രാരംഭ പഠനത്തിലാണ് ഇക്കാര്യം സൂചിപ്പിക്കുന്നതെന്ന് ബി.ബി.സി റിപ്പോർട്ട് ചെയ്തു.
സാധാരണ സ്കാനുകൾ വഴി തിരിച്ചറിയാൻ കഴിയാത്ത ശ്വാസകോശത്തിലെ അസ്വാഭാവികതകൾ കണ്ടെത്താൻ ശാസ്ത്രജ്ഞർ ഒരു നോവൽ സെനോൺ ഗ്യാസ് സ്കാൻ രീതിയാണ് ഉപയോഗിച്ചത്. ആദ്യമായി കോവിഡ് പിടിപെട്ടപ്പോൾ ആശുപത്രി പരിചരണം ആവശ്യമില്ലാതിരുന്ന എന്നാൽ പ്രാരംഭ അണുബാധയ്ക്ക് ശേഷം ദീർഘ കാലം നീണ്ടുനിന്ന ശ്വാസതടസ്സം അനുഭവപ്പെട്ടു 11 പേരിലാണ് പഠനം ശ്രദ്ധ കേന്ദ്രീകരിച്ചത്. ഫലങ്ങൾ സ്ഥിരീകരിക്കാൻ ഒരു വലിയ, കൂടുതൽ വിശദമായ പഠനം നടക്കുന്നുണ്ട്.
കോവിഡ് ബാധിച്ച് ആശുപത്രിയിൽ പ്രവേശിപ്പിക്കപ്പെട്ട ആളുകളെക്കുറിച്ച് നേരത്തെ നടത്തിയ പഠനത്തിന്റെ അടിസ്ഥാനത്തിലാണ് പുതിയ പഠനം. ലോംഗ് കോവിഡിൽ ശ്വാസതടസ്സം വളരെ സാധാരണമായിരിക്കുന്നത് എന്തുകൊണ്ടാണെന്നതിലേക്ക് പുതിയ കണ്ടെത്തലുകൾ വെളിച്ചം വീശുന്നുവെന്ന് ഗവേഷകർ പറയുന്നു – ശ്വാസതടസ്സം അനുഭവപ്പെടുന്നതിനുള്ള കാരണങ്ങൾ പലപ്പോഴും സങ്കീർണ്ണമാണ്.
ഒരു കൊറോണ വൈറസ് അണുബാധയ്ക്ക് ശേഷം ആഴ്ചകളോളം തുടരുന്ന, മറ്റൊരു കാരണത്താൽ വിശദീകരിക്കാൻ കഴിയാത്ത നിരവധി ലക്ഷണങ്ങളെയാണ് ലോംഗ് കോവിഡ് എന്ന് സൂചിപ്പിക്കുന്നത്. ഓക്സ്ഫോർഡ്, ഷെഫീൽഡ്, കാർഡിഫ്, മാഞ്ചസ്റ്റർ എന്നിവിടങ്ങളിൽ നിന്നുള്ള സംഘം സെനോൺ ഗ്യാസ് സ്കാനുകളും മറ്റ് ശ്വാസകോശ പ്രവർത്തന പരിശോധനകളും മൂന്ന് ഗ്രൂപ്പുകളിലായി താരതമ്യം ചെയ്തു.
ഇതിൽ ദീർഘനാളത്തെ കൊവിഡും ശ്വാസതടസ്സവുമുള്ളവരും രോഗബാധിതരായപ്പോൾ ആശുപത്രിയിൽ പ്രവേശിപ്പിക്കപ്പെടാത്തവരും, കൊവിഡ് ബാധിച്ച് ആശുപത്രിയിൽ പ്രവേശിപ്പിക്കപ്പെട്ട എന്നാൽ ലോംഗ് കോവിഡ് ഇല്ലാത്ത 12 പേരും, ആരോഗ്യമുള്ള 13 പേരും ഉൾപ്പെടുന്നു.
ഷെഫീൽഡ് സർവ്വകലാശാല വികസിപ്പിച്ച വിദ്യ അനുസരിച്ച് എംആർഐ സ്കാൻ സമയത്ത് പഠനത്തിൽ പങ്കെടുത്തവരെല്ലാം സെനോൺ വാതകം ശ്വസിച്ചു.
സെനോൺ വാതകം ഓക്സിജനുമായി വളരെ സാമ്യമുള്ള രീതിയിൽ ആണ് പ്രവർത്തിക്കുക, പക്ഷേ സ്കാനിങ്ങിൽ വാതകം കാണാൻ സാധിക്കും എന്നതാണ് ഇതിന്റെ ഗുണം, അതിനാൽ ഇത് ശ്വാസകോശത്തിൽ നിന്ന് രക്തത്തിലേക്ക് എത്ര നന്നായി നീങ്ങുന്നുവെന്ന് ശാസ്ത്രജ്ഞർക്ക് “കാണാൻ” കഴിഞ്ഞു.
ആരോഗ്യമുള്ളവരിൽ ഉള്ളതുപോലെ ഫലപ്രദമായല്ല ലോംഗ് കോവിഡ് ഉള്ള ഭൂരിഭാഗം പേരിലും വാതകത്തിന്റെ പ്രവാഹം എന്ന് ഗവേഷകർ കണ്ടെത്തി. കൊവിഡ് ബാധിച്ച് ആശുപത്രിയിൽ പ്രവേശിപ്പിച്ച ആളുകൾക്കും സമാനമായ അസാധാരണതകൾ ഉണ്ടായിരുന്നു.
