ചെമ്മാട് വ്യാപാരോത്സവം : ഇടക്കാല നറുക്കെടുപ്പും നഗരസഭക്ക് ആദരവും

വ്യാപാരി വ്യവസായി ഏകോപനസമിതി ചെമ്മാട് യൂണിറ്റ് നടത്തുന്ന വ്യാപാരോത്സവത്തിന്റെ ഇടക്കാല നറുക്കെടുപ്പ് നടത്തി. ഏപ്രിൽ 25-നാണ് വ്യാപാരോത്സവം സമാപിക്കുന്നത്. ചെമ്മാട് യൂണിറ്റ് പ്രസിഡണ്ട് നൗഷാദ് സിറ്റിപാർക്ക്, ജനറൽസെക്രട്ടറി സൈനു ഉള്ളാട്ട്, ട്രഷറർ അമർ മനരിക്കൽ എന്നിവർ ചേർന്ന് സ്വരാജ് ട്രോഫി നേടിയ തിരൂരങ്ങാടി നഗരസഭാ സാരഥികളെ ചടങ്ങിൽ അനുമോദിച്ചു.

പൊതുസമ്മേളനം വ്യാപാരി വ്യവസായി ഏകോപനസമിതി ജില്ലാ ട്രഷറർ നൗഷാദ് കളപ്പാടൻ ഉദ്ഘാടനം ചെയ്തു. നൗഷാദ് സിറ്റിപാർക്ക് അധ്യക്ഷത വഹിച്ചു.ഏകോപനസമിതി ചെമ്മാട് യൂണിറ്റ് വൈസ്പ്രസിഡണ്ട് സിദ്ധീഖ് പനക്കൽ അനുമോദന പ്രസംഗം നടത്തി. ചെമ്മാട്ടെ ഗിന്നസ് അവാർഡ് നേടിയ ഡോ. ലൈലാ ബീഗത്തെ നഗരസഭ ചെയർമാൻ കെ.പി മുഹമ്മദ്കുട്ടിയും ആദരിച്ചു.

നഗരസഭാധ്യക്ഷൻ കെ.പി. മുഹമ്മദ്കുട്ടി, ഉപാധ്യക്ഷ സി.പി. സുഹറാബി, ഇഖ്ബാൽ കല്ലുങ്ങൽ, സി.പി. ഇസ്മായിൽ, എം. സുജിനി, ചെമ്പ വഹീദ, മലബാർ ബാവ, വനിതാ വിങ്ങ് ജില്ലാ ജനറൽ സെക്രട്ടറി ഖമറുന്നിസ മലയിൽ, സമദ് കാരാടൻ, യൂത്ത് വിംഗ് പ്രസിഡണ്ട് അൻസാർ തൂമ്പത്ത്, ജനറൽ സെക്രട്ടറിഎം. ബാപ്പുട്ടി തുടങ്ങിയവർ പങ്കെടുത്തു.