അംഗപരിമിതര്‍ക്കും ഐ.പി.എസിന് അപേക്ഷിക്കാം; സുപ്രീംകോടതി.
അംഗപരിമിതരായവര്‍ക്കും ഐപിഎസിന് അപേക്ഷിക്കാന്‍ അനുമതി നല്‍കി സുപ്രീംകോടതി. ഇത് സംബന്ധിച്ച് ഇടക്കാല ഉത്തരവ് പുറത്തിറക്കി. സിവില്‍ സര്‍വീസ് പരീക്ഷയില്‍ വിജയം നേടിയവര്‍ക്കാണ് അപേക്ഷ സമര്‍പ്പിക്കാന്‍ അനുമതി നല്‍കിയിരിക്കുന്നത്.
ഐപിഎസിന് പുറമെ ഇന്ത്യന്‍ റെയില്‍വേ സുരക്ഷാസേന ഡല്‍ഹി, ദാമന്‍ ആന്‍ഡ് ദിയു, ദാദ്ര ആന്‍ഡ് നാഗര്‍ ഹവേലി, ആന്‍ഡമാന്‍ ആന്‍ഡ് നിക്കോബാര്‍, ലക്ഷ്വദീപ് പൊലീസ് സേന എന്നിവയിലേക്ക് അപേക്ഷിക്കാന്‍ കഴിയും.
ഏപ്രില്‍ ഒന്നിന് വൈകിട്ട് നാല് മണിവരെ ഡല്‍ഹിയിലെ യുപിഎസ് സി ഓഫീസില്‍ അപേക്ഷ സമര്‍പ്പിക്കാം. സുപ്രീംകോടതിയുടെ അന്തിമ വിധിയുടെ അടിസ്ഥാനത്തിലായിരിക്കും നിയമനം അടക്കമുള്ള തുടര്‍ നടപടികള്‍ നടക്കുന്നത്.
