12 മുതല്‍ 14 വയസു വരെയുള്ള കുട്ടികളുടെ കോവിഡ് വാക്‌സിനേഷന്‍, മാര്‍ച്ച് 16ന് തുടങ്ങും
രാജ്യത്ത് 12 മുതല്‍ 14 വയസുവരെയുള്ള കുട്ടികള്‍ക്ക് മാര്‍ച്ച് 16 മുതല്‍ കോവിഡ് വാക്സിന് നല്‍കും. കോര്‍ബെവാക്സ് വാക്സിന് ആണ് നല്‍കുക. 12 മുതല്‍ 18 വയസ് വരെ പ്രായമുള്ളവര്‍ക്ക് കോര്‍ബെവാക്സ് വാക്സിന് നല്‍കാമെന്ന് കഴിഞ്ഞ ഡിസംബറില്‍ ഡ്രഗ്‌സ് കണ്‍ട്രോളര്‍ ജനറല്‍ ഓഫ് ഇന്ത്യ ശിപാര്‍ശ ചെയ്തിരുന്നു.
ഗര്‍ഭിണികള്‍ക്കും മുലയൂട്ടുന്നവര്‍ക്കും കോര്‍ബെവാക്സ് വാക്സിന് നല്‍കാമെന്നും ശിപാര്‍ശയില്‍ പറഞ്ഞിരുന്നു. അതേ സമയം 60 വയസിന് മുകളില്‍ പ്രായമുള്ളവര്‍ക്കായുള്ള ബൂസ്റ്റര്‍ ഡോസും ബുധനാഴ്ച മുതല്‍ നല്‍കി തുടങ്ങും.
15 മുതല്‍ 18 വയസുവരെ പ്രായമുള്ളവര്‍ക്ക് ഭാരത് ബയോടെക്കിന്റെ കോവാക്‌സിന്‍ ആണ് നല്‍കിയിരുന്നത്. കഴിഞ്ഞ ജനുവരി 3 മുതലാണ് കുട്ടികള്‍ക്ക് കോവാക്‌സിന്‍ നല്‍കാന്‍ അനുമതി ലഭിച്ചത്.
