ആലി മുസ്ല്യാർ മെമ്മോറിയൽ ഹിസ്റ്റോറിക്കൽ ഗാലറി നാടിന് സമർപ്പിച്ചു

തിരൂരങ്ങാടി: തിരൂരങ്ങാടി യംഗ് മെൻസ് ലൈബ്രറി തയ്യാറാക്കിയ ആലി മുസ്ലിയാർ മെമ്മോറിയൽ ഹിസ് റ്റോറിക്കൽ ഗാലറി തുറമുഖം, മ്യൂസിയം, പുരാവസ്തു വകുപ്പ് മന്ത്രി അഹമ്മദ് ദേവർകോവിൽ നാടിന് സമർപ്പിച്ചു. ചരിത്ര ഡോക്യുമെൻററി സ്വിച്ച് ഓൺ കർമ്മം  കെ.പി.എ.മജീദ് എം.എൽ.എയും മലബാർ സമര പുസ്തക കോർണറിൻറെ ഉദ്ഘാടന കർമ്മം സ്റ്റേറ്റ് ലൈബ്രറി കൗൺസിൽ അംഗം അജിത് കോളാടി നിർവ്വഹിച്ചു.

മലബാർ സമരസേനാനികളുടെ പേര് കൊത്തിവെച്ച ശിലാഫലകം മുൻസിപ്പൽ ചെയർമാൻ കെ. പി. മുഹമ്മദ് കുട്ടി അനാവരണം ചെയ്തു. പാണക്കാട് സയ്യിദ് ഹൈദറലി ശിഹാബ് തങ്ങൾക്ക് അനുശോചനം നടത്തിയാണ് സമ്മേളനം ആരംഭിച്ചത്.  മന്ത്രി അഹമ്മദ് ദേവർ കോവിൽ ഉദ്ഘാടനം ചെയ്തു.

കെ.പി.എ മജീദ് അധ്യക്ഷത വഹിച്ചു. ഗാലറി രൂപകല്പന ചെയ്ത ബഷീർ കാടേരി, സിറാജ് ലെൻസ് മാൻ, കെ.സൗദ ടീച്ചർ എന്നിവരെ മന്ത്രി ഉപഹാരം നൽകി ആദരിച്ചു. അരിമ്പ്ര മുഹമ്മദ് മാസ്റ്റർ, സി.പി. സുഹ്റാബി (വൈസ് ചെയർപേഴ്സൺ  നഗരസഭ) ഇക്ബാൽ കല്ലുങ്ങൽ, സി.പി. ഇസ്മായീൽ, ഇ.പി.ബാവ ,സി.പി. ഹബീബ, സമദ് തയ്യിൽ,സി.എച്ച്.മഹ്മൂദ് ഹാജി, നീലകണ്ഠൻ നമ്പൂതിരി .എം.പി. അബ്ദുൽ വഹാബ് ,കെ.മൊയ്തീൻകോയ എന്നിവർ പ്രസംഗിച്ചു. പിന്നീട് നടന്ന ചരിത്ര സെമിനാർ കോഴിക്കോട് സർവ്വകലാശാല ചരിത്ര വിഭാഗം തലവൻ ഡോ.എസ്.മാധവൻ ഉദ്ഘാടനം ചെയ്തു.

ഡോ. ഇ.കെ അഹമ്മദ് കുട്ടി അദ്ധ്യക്ഷനായിരുന്നു. മലബാർ സമര സേനാനികളുടെ കുടുംബാംഗങ്ങളെ ആദരിച്ചു. റഷീദ് പരപ്പനങ്ങാടി, കെ.സോമനാഥൻ മാസ്റ്റർ, യു.കെ.മുസ്തഫ, കെ.രാമദാസൻ മാസ്റ്റർ, മുഹമ്മദലി അരിമ്പ്ര, കാലൊടി സുലൈഖ, ആരിഫ വലിയാട്ട്, അലിമോൻ തടത്തിൽ, ആബിദ റബിയത്ത്, നദീറ കുന്നത്തേരി ,സാഹിന തിരുനിലത്ത്,സമദ് കാരാടൻ ,ഉരുണിയൻ, മുസ്തഫ, പീച്ചി മണ്ണിൽ അബ്ദുൽ ജലീൽ പി.എം. അഷ്റഫ് പ്രസംഗിച്ചു