തിരുവനന്തപുരത്ത് കോവിഡ് ബാധിതന്‍ ആത്മഹത്യ ചെയ്തു
തിരുവനന്തപുരം നെടുമങ്ങാട് കോവിഡ് രോഗി ആത്മഹത്യ ചെയ്തു. ആര്യനാട് കുളപ്പട സ്വദേശി ജോണ്‍ ഡി (50) യാണ് മരിച്ചത്. നെടുമങ്ങാട് ജില്ല ആശുപത്രിയിലെ സി.എഫ്.എല്‍.ടി.സി.യായി പ്രവര്‍ത്തിക്കുന്ന സ്ഥലത്ത് വച്ചായിരുന്നു സംഭവം. നെടുമങ്ങാട് പൊലീസ് അന്വേഷണം ആരംഭിച്ചട്ടുണ്ട്.
മൂന്ന് ദിവസമായി കോവിഡ് ബാധിച്ച് ചികിത്സിയല്‍ കഴിയുകയായിരുന്നു ഇദ്ദേഹം. ഇന്ന് കാലത്ത് ഇന്‍ജക്ഷന്‍ എടുക്കാനായി നഴ്‌സ് മുറിയില്‍ എത്തിയപ്പോഴാണ് ആത്മഹത്യ ചെയ്തതായി കണ്ടെത്തിയത്. ഡ്രിപ്പിടുന്ന കമ്പിയിലാണ് തൂങ്ങി മരിച്ചത്. പ്രമേഹ രോഗിയായിരുന്ന ജോണിനെ കാലില്‍ മുറിവ് ഉണ്ടായിരുന്നത് കൊണ്ടാണ് സി.എഫ്.എല്‍.ടി.സി.യില്‍ പ്രവേശിപ്പിച്ചത്.
പ്രമേഹവുമായി ബന്ധപ്പെട്ട് കടുത്ത് മാനസിക സമ്മര്‍ദത്തിലായിരുന്നു ഇയാള്‍ എന്നാണ് അറിയുന്നത്. മൃതദേഹം നെടുമങ്ങാട് ആശുപത്രിയില്‍ സൂക്ഷിച്ചിരിക്കുകയാണ്. തിരുവനന്തപുരം മെഡിക്കല്‍ കോളജിലേക്ക് വൈകാതെ മാറ്റും.
