പോക്കറ്റില്‍ സൂക്ഷിച്ച ഫോണ്‍ പൊട്ടിത്തെറിച്ച് വിദ്യാർഥിക്ക് പരിക്ക്
പ്രതീകാത്മക ചിത്രം
ആലപ്പുഴ: പോക്കറ്റില്‍ സൂക്ഷിച്ച മൊബൈൽ ഫോണ്‍ പൊട്ടിത്തെറിച്ച് വിദ്യാർഥിക്ക് പരിക്ക്. സ്‌കൂട്ടര്‍ യാത്രക്കിടെയായിരുന്നു ഫോണ്‍ പൊട്ടിത്തെറിച്ചത്.
പാന്റിന്റെ പോക്കറ്റില്‍ സൂക്ഷിച്ചിരുന്ന മൊബൈല്‍ ഫോണ്‍ ചൂടായി തീപിടിക്കുകയായിരുന്നു. അമ്പലപ്പുഴ സ്വദേശി അമല്‍ രാജുവിനാണ് പരിക്കേറ്റത്. ചേര്‍ത്തല പോളിടെക്‌നിക്കിലെ പരീക്ഷ കഴിഞ്ഞ് സ്‌കൂട്ടറില്‍ മടങ്ങുമ്പോഴായിരുന്നു സംഭവം.
ഫോണ്‍ പൊട്ടിത്തെറിയില്‍ പാന്റിന്റെ ഒരു ഭാഗവും കത്തിപ്പോയിട്ടുണ്ട്. ഒരു വര്‍ഷമായി ഉപയോഗിച്ച് വന്ന റിയല്‍മി 6 പ്രോ യാണ് തീപിടിച്ച് പൊട്ടിത്തെറിച്ചത്.
