താനൂരില് വിദ്യാര്ത്ഥികള് ക്കുനേരെ ലൈംഗികാ തിക്രമണം ; അദ്ധ്യാപകൻ മൂന്നാമതും പോക്സോ കേസിൽ അറസ്റ്റിൽ


താനൂര്; നിരവധി വിദ്യാര്ത്ഥികള്ക്കെതിരെ ലൈംഗികാതിക്രമണം നടത്തിയ അധ്യാപകന് അറസ്റ്റില്. വള്ളിക്കുന്ന് സ്വദേശി പുളിക്കത്തൊടിതാഴം അഷ്റഫി(53) നെയാണ് താനൂര് പോലീസ് അറസ്റ്റ് ചെയ്തത്.
താനൂരിലെ പ്രൈമറി വിദ്യാലയത്തിലെ അധ്യാപകനായ ഇയാളെ നേരത്തെ രണ്ട് തവണ പോക്സോ കേസില് അറസ്റ്റ് ചെയ്തിട്ടുണ്ട്. ചൈല്ഡ് ലൈനിന് ലഭിച്ച പരാതിയുടെ അടിസ്ഥാനത്തിലാണ് അറസ്റ്റ്.
പ്രൈമറി സ്കൂള് വിദ്യാര്ത്ഥിയെ പീഡിപ്പിച്ച കേസിലാണ് ഇപ്പോള് അറസ്ററ്. കുട്ടി രക്ഷിതാക്കളെ വിവരമറിയിച്ചതിനെ തുടര്ന്ന് ചൈല്ഡ് ലൈനിന് പരാതി നല്കുകയായിരുന്നു. ഒന്നിലധികം കുട്ടികളെ ഇയാള് ലൈംഗികാതിക്രമണത്തിന് വിധേയനാക്കിയിതായി സൂചനയുണ്ട്.
ഏഴുവര്ഷം മുമ്പ് പരപ്പനങ്ങാടി നെടുവ സ്കൂളില് അധ്യാപകനായിരുന്ന സമയത്ത് അമ്പതോളം കുട്ടികളെ ലൈംഗികാതിക്രമണത്തിന് ഇരയാക്കിയതായി പരാതി ലഭിച്ചതിനെ തുടര്ന്നാണ് അറസ്റ്റ് ഉണ്ടായത്. പരപ്പനങ്ങാടി കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.