വോട്ടെടുപ്പ് : വയനാട്ടിൽ 50 ശതമാനം കടന്നു; ഏറനാട് ഏറെ മുന്നിൽ; പല ബൂത്തുകളിലും വോട്ടർമാരുടെ നീണ്ട നിര.
* മാനന്തവാടി – 49.51%
* ബത്തേരി – 49.43
* കൽപ്പറ്റ – 50.71%
* തിരുവമ്പാടി – 52.65%
* ഏറനാട് – 54.47%
* നിലമ്പൂർ – 48.82%
* വണ്ടൂർ – 49.80%
ഇന്ന് ഉപതെരഞ്ഞെടുപ്പ് നടക്കുന്ന വയനാട് ലോക്‌സഭാ മണ്ഡലത്തിൽ പോളിംഗ് മുന്നേറുന്നു. 51.53 ശതമാനം ആണ് ഇപ്പോൾ വോട്ടിങ് നില. പല ബൂത്തുകളിലും വോട്ടർമാരുടെ നീണ്ട നിരയാണുള്ളത്. വയനാട് മണ്ഡലത്തിൽ ഏറനാട്ടിൽ ആണ് ഏറ്റവും കൂടുതൽ വോട്ടിംഗ് നടന്നത്. കുറവ് നിലമ്പൂരിലും. അതേസമയം, ചേലക്കരയിൽ 57.43% ആണ് നിലവിൽ.
കേരളത്തിനൊപ്പം വിവിധ സംസ്ഥാനങ്ങളിലായി ഉപതെരഞ്ഞെടുപ്പ് നടക്കുന്ന 32 നിയമസഭാ മണ്ഡലങ്ങളിലും ഇന്ന് വോട്ടെടുപ്പ് നടക്കുന്നുണ്ട്. പശ്ചിമബംഗാളിൽ ആറ്, ബിഹാറിൽ നാല്, രാജസ്ഥാൻ ഏഴ്, അസമിൽ അഞ്ച്, കർണാടകയിൽ മൂന്ന്, സിക്കിമിലും മധ്യപ്രദേശിലും രണ്ട് വീതം മണ്ഡലങ്ങളിലും ഇന്ന് വോട്ടെടുപ്പ് നടക്കുന്നുണ്ട്. ഛത്തീസ്ഗഡ് , ഗുജറാത്ത്, മേഘാലയ സംസ്ഥാനങ്ങളിൽ ഓരോ മണ്ഡലങ്ങളിലും ഇന്നാണ് വോട്ടെടുപ്പ്. സംഘ‌ർഷ സാധ്യതയുള്ള മണ്ഡലങ്ങളിൽ ജാഗ്രത ശക്തമാക്കിയിട്ടുണ്ട്. പാലക്കാടിനൊപ്പം പഞ്ചാബിലെ നാലും ഉത്തർ പ്രദേശിൽ ഒൻപതും നിയമസഭാ മണ്ഡലങ്ങളിലേക്കുള്ള വോട്ടെടുപ്പ് തെരഞ്ഞെടുപ്പ് കമ്മീഷൻ 20 ലേക്ക് മാറ്റിയിരുന്നു.
