ചെമ്മാട് മണ്ണുമാന്തി യന്ത്രത്തിന്റെ കൈ തട്ടി ഒരാൾ മരിച്ചു
തിരൂരങ്ങാടി : ചെമ്മാട് വർക്ക്‌ നടക്കുന്നതിനിടെ മണ്ണുമാന്തി യന്ത്രത്തിന്റെ കൈ തട്ടി ഒരാൾ മരിച്ചു.
ചെമ്മാട് സ്വദേശി കൊല്ലഞ്ചേരി ഹസ്സൻ ഹാജിയുടെ മകൻ മുഹമ്മദ്‌ റാഫി (52) ആണ് മരിച്ചത്.
ഇന്ന് പകൽ പത്തരമണിയോടെയാണ് അപകടം. ചെമ്മാട് കോഴിക്കോട് റോഡിലുള്ള പെട്രോൾ പമ്പിന് പിൻവശത്തുള്ള റോഡിനോട് ചേർന്നുള്ള സ്ഥലത്തുവെച്ചാണ് സംഭവം.
ബന്ധുവീടിന്റെ മുറ്റത്തെ പണി നടക്കുന്നത് നോക്കി നിൽക്കുന്നതിനിടെ ജെ.സി.ബിയുടെ മുൻവശം അബദ്ധത്തിൽ റാഫിയുടെ ദേഹത്ത് തട്ടിയതെന്നാണ് വിവരം.
ഗുരുതര പരിക്കേറ്റ റാഫിയെ തിരൂരങ്ങാടിയിലെ സ്വകാര്യ ആശുപത്രിയിൽ പ്രവേശിപ്പിചെങ്കിലും ജീവൻ രക്ഷിക്കാൻ ആയില്ല.
മൃതദേഹം തിരൂരങ്ങാടി താലൂക്ക് ആശുപത്രി മോർച്ചറിയിലേക്ക് മാറ്റി.
പോസ്റ്റുമോർട്ടത്തിന് ശേഷം ചെമ്മാട് ജുമാമസ്ജിദ് ഖബർസ്ഥാനിൽ മറവ് ചെയ്യും.
ഭാര്യ : ഖദീജ. നാലുമക്കളുണ്ട്.
