പാവപ്പെട്ടവൻ്റെ കരുത്തായി കോൺഗ്രസ് മാറണം ; ഡി.സി.സി പ്രസിഡന്റ് വി.എസ്. ജോയ്
വള്ളിക്കുന്ന് : അരിയല്ലൂർ മണ്ഡലം കോൺഗ്രസ് കമ്മിറ്റി മിഷൻ 2025 സെൻട്രൽ എക്സിക്യൂട്ടീവ് ഡി.സി.സി പ്രസിഡന്റ് അഡ്വ. വി എസ് ജോയ് ഉദ്ഘാടനം ചെയ്തു.
ത്രിതല പഞ്ചായത്ത് തെരഞ്ഞെടുപ്പിൽ അധികാരം നേടി പാവപ്പെട്ടവൻ്റെ കരുത്തായി മാറാൻ കോൺഗ്രസിന് കഴിയണമെന്നും സ്വജനപക്ഷപാതവും അഴിമതിയും നിറഞ്ഞ പിണറായി ഭരണത്തിന് അന്ത്യംകുറിക്കേണ്ടതിൻ്റെ ആവശ്യം അദ്ദേഹം പറഞ്ഞു.
മണ്ഡലം പ്രസിഡന്റ് കോശി. പി. തോമസ് അധ്യക്ഷത വഹിച്ചു. കെ.പി.സി.സി സെക്രട്ടറി കെ. പി. അബ്ദുൾ മജീദ് മുഖ്യപ്രഭാഷണം നടത്തി. സുധീഷ് അമ്പലവട്ടം ക്ലാസ് നയിച്ചു.
ഡി.സി.സി. വൈസ് പ്രസിഡന്റ് ഷാജി പാച്ചേരി, ബ്ലോക്ക് പ്രസിഡന്റ് പി. വിരേന്ദ്ര കുമാർ,സുരേഷ്, വി. കേശവദാസ് എന്നിവർ സംസാരിച്ചു. കെ. രഘുനാഥ്, യു. അനിൽകുമാർ, വി.പി.റഫീഖ്, വി.വി. രാജൻ, വി.ടി. ശിവദാസ് എന്നിവർ ക്യാമ്പിന് നേതൃത്വം നൽകി.
