വോട്ടെണ്ണല്‍ ദിനത്തില്‍ ആഹ്ലാദ പ്രകടനമില്ല; സമ്പൂര്‍ണ ലോക്ക്ഡൗണ്‍ വേണ്ടെന്നും സര്‍വ്വകക്ഷി യോഗം
കോവിഡ് വൈറസ് വ്യാപനം തടയുന്നതിന്റെ ഭാഗമായി കേരളത്തിൽ സമ്പൂർണ ലോക്ഡൗൺ നടപ്പാക്കേണ്ടതില്ലെന്ന് മുഖ്യമന്ത്രി വിളിച്ചു ചേർത്ത സർവകക്ഷിയോഗത്തിൽ ധാരണ.
രോഗവ്യാപനം രൂക്ഷമായ കണ്ടെയ്ൻ‍മെൻറ് സോണുകളിൽ നിയന്ത്രണം കർശനമാക്കും. രോഗവ്യാപനം തടയുകയെന്ന ലക്ഷ്യത്തെട പ്രഖ്യാപിച്ച ശനി, ഞായർ ദിവസങ്ങളിലെ മിനി ലോക്ക് ഡൗൺ തുടരാൻ യോഗം നിർദേശിച്ചു. രാത്രികാല കർഫ്യൂ തുടരും.
കടകളുടെ പ്രവർത്തനം രാത്രി 7.30 വരെയെന്നത് തുടരണമെന്നും യോഗത്തിൽ ധാരണയായി.വോട്ടെണ്ണൽ ദിനമായ അടുത്ത ഞായറാഴ്ച ആഹ്ലാദപ്രകടനവും കൂട്ടംചേരലും ഒഴിവാക്കാൻ അതതു രാഷ്ട്രീയ പാർട്ടികൾ സ്വമേധയാ നിർദേശിക്കണമെന്ന തീരുമാനമാണ് യോഗത്തിലുണ്ടായത്.
സമ്പൂര്‍ണ്ണ ലോക്ക്ഡൗണിനോട് താത്പര്യമില്ലെന്ന് പ്രതിപക്ഷം സര്‍വ്വകക്ഷിയോഗത്തിന് പങ്കെടുക്കുന്നതിന് മുന്നോടിയായി വ്യക്തമാക്കിയിരുന്നു.
