വിറക് മുറിക്കുന്നതിനിടെ യന്ത്രവാൾ കഴുത്തിൽകൊണ്ട് യുവാവിന് ദാരുണാന്ത്യം
പൂപ്പാറയിൽ വിറക് മുറിക്കുന്നതിനിടെ യന്ത്രവാൾ കഴുത്തിൽ കൊണ്ടു യുവാവിന് ദാരുണാന്ത്യം. പൂപ്പാറ മൂലത്തുറ കോളനി സ്വദേശി വിഘ്നേഷ് (24) ആണ് മരിച്ചത്.
പൂപ്പാറയിലെ ഏലം സ്റ്റോറിൽ യന്ത്രവാൾ ഉപയോഗിച്ച് വിറക് മുറിച്ചു കൊണ്ടിരിക്കെയാണ് അപകടം ഉണ്ടായത്.
ഗുരുതരമായി പരിക്കേറ്റ യുവാവിനെ തേനി മെഡിക്കൽ കോളേജിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
ദിശ തെറ്റിയ വാൾ വിഘ്നേഷിന്റെ കഴുത്തിൽ പതിക്കുകയായിരുന്നു. പോസ്റ്റ് മോർട്ടം നടപടികൾക്ക് ശേഷം ബോഡിനായ്ക്കന്നൂരിലെ പൊതുശ്മശാനത്തിൽ മൃതദേഹം സംസ്കരിച്ചു.
ശാന്തൻപാറ പോലീസ് മേൽ നടപടികൾ സ്വീകരിച്ചു.
