‘മാലിന്യം കൊച്ചിയിൽനിന്ന്; തള്ളിയത് മലപ്പുറത്ത്’

മലപ്പുറം • കൊച്ചി നഗരത്തിൽനിന്നു 11 മാലിന്യം തള്ളിയത് മലപ്പുറത്ത്.കൂട്ടത്തിൽനിന്നു കിട്ടിയ ബില്ലിലെ ഫോൺ നമ്പറിൽ വിളിച്ച് വന്ന വഴി കണ്ടെത്തി നാട്ടുകാർ തുടർന്ന് പൊലീസിനെയും പഞ്ചായത്ത് അധികൃതരെയും അറിയിച്ചു. കൊളായി സമീപം ഇരുമ്പുഴി കരുവാഞ്ചേരി പറമ്പിലെ കുന്നിൻ ചെരിവിൽ ഒഴിഞ്ഞ പറമ്പിലാണ് മാലിന്യം തള്ളിയതായി കണ്ടെത്തിയത്. താഴ്ഭാഗത്തെ ജനവാസകേന്ദ്രത്തിലേക്ക് ദുർഗന്ധം വന്നതോടെയാണ് നാട്ടുകാർ കാര്യമന്വേഷിച്ചത് ഹോട്ടലുകളിലെയും കടകളിലെയും മാലിന്യമായിരുന്നു. പ്ലാസ്റ്റിക് കവറുകളും പാൽ കവറുകളും മദ്യക്കുപ്പികളുമൊക്കെയുണ്ടായിരുന്നു.

ഇതിൽ നിന്നാണ് എറണാകുളം സൗത്തിലെ ഹോട്ടലിന്റെ ബില്ല് കിട്ടിയത്. ആ നമ്പറിൽ ബന്ധപ്പെട്ടപ്പോഴാണ് കാര്യമറിഞ്ഞത് അവിടെനിന്നു സ്ഥിരമായി കാശിന് മാലിന്യം ശേഖരിച്ചു പോകുന്ന സംഘത്തിന് കൊടുത്തതാണിത് കോട്ടയ്ക്കലിൽ നിന്നുള്ള സംഘമാണ് മാലിന്യം കൊണ്ടുപോകാറുള്ളതെന്നും പറഞ്ഞു. നാട്ടുകാർ സംഘത്തെ ബന്ധപ്പെട്ടപ്പോൾ തങ്ങൾക്ക് സ്വന്തമായി മാലിന്യ സംസ്കരണ കേന്ദ്രമുണ്ടെന്നാണ് പറഞ്ഞത്. ഇതോടെയാണ് മഞ്ചേരി പൊലീസിനെ അറിയിച്ചത്. ആനക്കയം പഞ്ചായത്തിൽ പരാതിയും നൽകി ഇന്നലെ വൈകിട്ട് പഞ്ചായത്ത് അംഗം അബ്ദുൽ മജീദിന്റെ നേതൃത്വത്തിൽ പരിശോധന നടത്തി