പരപ്പനങ്ങാടിയിൽ യുവാവിനെ ആക്രമിച്ചു പണം തട്ടിയെടുത്ത് കേസിലെ പ്രതികൾ അറസ്റ്റിൽ

പരപ്പനങ്ങാടി:  യുവാവിനെ ആക്രമിച്ചു പണം തട്ടിയെടുത്ത് കേസിലെ പ്രതികൾ പിടിയിലായി. പരപ്പനങ്ങാടി പുത്തൻകടപ്പുറം പൗറാജിന്റെ പുരക്കൽ മുഹമ്മദ് ഹർഷിദ്(19), ചെട്ടിപ്പടി സ്വദേശിമാപ്പോയിൽ മുഹമ്മദ് നിഹാദ് (19) എന്നിവരാണ് പിടിയിലായത്.

 കഴിഞ്ഞ ചൊവ്വാഴ്ച രാത്രി   റെയിൽവേ ക്രോസ് ചെയ്ത് പോവുകയായിരുന്ന അഡ്വക്കറ്റ് ക്ലാർക്ക് കൂടിയായ റിജീഷ് എന്നയാളെ ആക്രമിച്ച് 22,000 രൂപ തട്ടിയെടുക്കുകയായിരുന്നു.

കഴിഞ്ഞ 21 ന് പരപ്പനങ്ങാടി ടൗണിലുള്ള കെ.എസ്.എഫ്.ഇ. ശാഖയുടെ ഷട്ടർ പൊളിച്ച് മോഷണശ്രമം നടത്തിയിട്ടുള്ളതും ഇവരാണെന്ന് ചോദ്യം ചെയ്യലിൽ പോലീസിന് സൂചന ലഭിച്ചിട്ടുണ്ട്.

ഡി.വൈ.എസ്പി  വി.വി. ബെന്നിയുടെ നേതൃത്വത്തിലുള്ള താനൂർ ഡാൻസഫ് സ്‌ക്വാഡും പരപ്പനങ്ങാടി സി.ഐ. കെ.ജെ. ജിനേഷിൻ്റെ നേതൃത്വത്തിൽ പരപ്പനങ്ങാടി പോലീസ് സബ് ഇൻസ്പെക്ടർ ആർ.യു. അരുൺ, സിവിൽ പോലീസ് ഓഫീസർമാരായ രഞ്ജിത്ത്, മുജീബ് റഹ്മാൻ, അഭിലാഷ് എന്നിവർ ചേർന്നാണ് ഇവരെ അറസ്റ്റ് ചെയ്തത്.