കന്നി പ്രസവത്തിൽ നാല് കണ്മണികൾ: മനംനിറഞ്ഞ് ദമ്പതികൾ
ആദ്യ പ്രസവത്തില്‍ നാല് ആണ്‍ കണ്‍മണികളെ ലഭിച്ചതിന്റെ സന്തോഷത്തിലാണ് യുവ ദമ്പതികള്‍.
ചെർപ്പുളശ്ശേരി ചളവറ കുന്നത്ത് മുഹമ്മദ് മുസ്തഫ-മുബീന ദമ്പതികള്‍ക്കാണ് ആദ്യ പ്രസവത്തില്‍ തന്നെ നാല് ആണ്‍കുഞ്ഞുങ്ങളെ ലഭിച്ചത്.
പെരിന്തല്‍മണ്ണ മൗലാന ആശുപത്രിയിലെ ഗൈനക്കോളജിസ്റ്റ് ഡോ. അബ്ദുല്‍ വഹാബാണ് ജനുവരി 16ന് സിസേറിയനിലൂടെ കുഞ്ഞുങ്ങളെ പുറത്തെടുത്തത്.
മുബീനയുടെ ഗര്‍ഭാവസ്ഥയുടെ തുടക്കത്തില്‍ തന്നെ നാല് കുഞ്ഞുങ്ങള്‍ ഉണ്ടെന്ന് ഡോക്ടര്‍മാര്‍ അറിയിച്ചിരുന്നു. 1100 ഗ്രാം മുതല്‍ 1600 ഗ്രാം വരെ തൂക്കമുള്ള കുഞ്ഞുങ്ങളെ നവജാത ശിശുരോഗ വിഭാഗത്തില്‍ പ്രവേശിപ്പിച്ചു.
ചീഫ് കണ്‍സല്‍ട്ടന്‍റ് നിയോനാറ്റോളജിസ്റ്റ് ഡോ.ജയചന്ദ്രന്റെയും
സഹ ഡോക്ടര്‍മാരുടെയും പരിചരണത്തിലാണ് ഇപ്പോള്‍.
കുഞ്ഞുങ്ങള്‍ക്ക് അയാന്‍ ആദം, അസാന്‍ ആദം, ഐസിന്‍ ആദം, അസ്വിന്‍ ആദം എന്നീ പേരുകളും നല്‍കി.
