എടവണ്ണ ചെറുമണ്ണിൽ ഗ്യാസ് റീഫില്ലിങ് കേന്ദ്രം കണ്ടെത്തി; ഒരാൾ അറസ്റ്റിൽ

എടവണ്ണ ∙ ചെറുമണ്ണിൽ അനധികൃത ഗ്യാസ് റീ ഫില്ലിങ് കേന്ദ്രം കണ്ടെത്തി. പാറക്കാടൻ ഷിജിലിന്റെ വീടിന്റെ ഷെഡിൽനിന്നാണ് 45 സിലിണ്ടറുകളും 4 ഫില്ലിങ് മോട്ടറുകളും 2 ത്രാസും പിടിച്ചെടുത്തത്. ജോലിക്കാരനായ എരഞ്ഞിക്കോട് കുരിശുംപടി കൊച്ചുപറമ്പിൽ ഷഫീറിനെ(21) ആണ് അറസ്റ്റ് ചെയ്തത്. ഷിജിലിനെതിരെ കേസെടുത്തിട്ടുണ്ട്.ഷിജിലിനെതിരെ സമാന കുറ്റത്തിന് മുൻപും കേസുണ്ട്. വീട്ടാവശ്യത്തിന് സബ്സിഡി നിരക്കിൽ ലഭിക്കുന്ന പാചക വാതക സിലിണ്ടറുകൾ ശേഖരിച്ച് അതിൽ നിന്നു മറ്റ്  സിലിണ്ടറുകളിലേക്ക് മാറ്റിനിറച്ച് വാണിജ്യ സ്ഥാപനങ്ങൾക്ക് കൂടിയ വിലയ്ക്ക് വിൽക്കുകയാണ് ഇവിടെ ചെയ്തിരുന്നത് .