പെരുവള്ളൂരിൽ മെതാം ഫിറ്റമിൻ എന്ന മയക്കുമരുന്നുമായി യുവാവ് എക്സ്സൈസിൻ്റെ പിടിയിൽ.

മെതാം ഫിറ്റമിൻ എന്ന മയക്കുമരുന്നുമായി യുവാവ് എക്സ്സൈസിൻ്റെ പിടിയിലായി.

എൻ.ഡി.പി.എസ്. സ്പെഷ്യൽ ഡ്രൈവിന്റെ ഭാഗമായി നടന്ന പരിശോധനയിൽ 5.975 ഗ്രാം മെതാംഫിറ്റമിനുമായാണ് പെരുവള്ളൂർ ഒളകര ആലക്കോടൻ വീട്ടിൽ ചന്ദ്രൻ മകൻ വിനോദിനെ (33) പരപ്പനങ്ങാടി എക്സ്സൈസ് റേഞ്ച് ഇൻസ്‌പെക്ടർ സാബു ആർ ചന്ദ്രയും പാർട്ടിയും അറസ്റ്റ് ചെയ്തത്.

ഇയാൾക്കെതിരെ നിരോധിത മാരക മയക്കുമരുന്ന് കൈവശം വെച്ച കുറ്റത്തിന് പരപ്പനങ്ങാടി എക്സ്സൈസ് റേഞ്ച് ഓഫീസിൽ കേസ് രജിസ്റ്റർ ചെയ്തു.

പറമ്പിൽപ്പീടിക പഞ്ചായത്ത്‌ ഓഫീസ് പരിസരത്തുവെച്ചാണ് ഇയാൾ പിടിയിലായത്.

തിരൂരങ്ങാടി എക്സ്സൈസ് സർക്കിൾ ഓഫീസിലെ പ്രിവെന്റീവ് ഓഫീസർ ജ്യോതിഷ്ചന്ദ്, സിവിൽ എക്സൈസ് ഓഫീസർമാരായ അരുൺ, ദിദിൻ, ജയകൃഷ്ണൻ എന്നിവർ സംഘത്തിലുണ്ടായിരുന്നു