തിരൂരങ്ങാടി യിൽ ലീഗ് വിമതൻ യു.ഡി.എഫിനെ പിന്തുണയ്ക്കു ന്നു.അഹമ്മദ്‌കുട്ടി കക്കടവത്ത് വാർത്ത സമ്മേളന ത്തിൽ
തിരൂരങ്ങാടി: തിരൂരങ്ങാടി നഗരസഭയിലേക്ക് കുംഭംകടവ് ഡിവിഷൻ 32ൽ നിന്നും ജയിച്ച മുസ്ലീംലീഗ് വിമതൻ കക്കടവത്ത് അഹമ്മദ്‌കുട്ടി ഭരണസമിതിയായ യു.ഡി.എഫിനെ പിന്തുണയ്ക്കുമെന്ന് വാർത്താ സമ്മേളനത്തിൽ അറിയിച്ചു. മുസ്ലിംലീഗിന്റെ കെ.പി. അഹമ്മദിനെതിരെ 96 വോട്ടുകളുടെ ഭൂരിപക്ഷത്തിലാണ് അഹമ്മദ്‌കുട്ടി വിജയിച്ചത്.
നിലവിൽ സ്വതന്ത്ര മോട്ടോർ തൊഴിലാളി യൂണിയൻ തിരൂരങ്ങാടി മണ്ഡലം ജനറൽ സെക്രട്ടറിയും, ചെമ്മാട് ടൗൺ യൂണിറ്റ് ഭാരവാഹിയുമാണ്. തനിക്കെതിരെ പാർട്ടി നടപടികൾ എടുത്തതായി രേഖാമൂലം അറിയിച്ചിട്ടില്ലെന്നും എക്കാലത്തും മുസ്ലിംലീഗിനുവേണ്ടി അഹോരാത്രം പ്രവർത്തിക്കുമെന്നും അഹമ്മദ്‌കുട്ടി പറഞ്ഞു.
സ്ഥാനാർഥി നിർണ്ണയത്തിൽ വന്ന അപാകതകളാണ് പാർട്ടി പ്രവർത്തകരുടെ താൽപര്യപ്രകാരം താൻ മത്സരിച്ചതെന്നും അഹമ്മദ്‌കുട്ടി പറഞ്ഞു. വാർത്താ സമ്മേളനത്തിൽ യൂസുഫ് ചപ്പങ്ങത്തിൽ, തൈക്കാടൻ അലി, റിയൽ ക്ലബ്ബ് വൈസ് പ്രസിഡണ്ട് കെ.പി ഫവാസ് എന്നിവർ സംബന്ധിച്ചു.
