കുറ്റിപ്പുറത്ത് തെരുവ് നായയുടെ ആക്രമണത്തില്‍ ഒരാള്‍ മരിച്ചു.
കുറ്റിപ്പുറത്ത് തെരുവ് നായയുടെ ആക്രമണത്തില്‍ ഒരാള്‍ മരിച്ചു. കുറ്റിപ്പുറം എടച്ചലം തെക്കേക്കളത്തില്‍ ശങ്കരനാണ് മരിച്ചത്. 65 വയസായിരുന്നു.
ചൊവ്വാഴ്ച രാത്രിയാണ് ഇദ്ദേഹത്തെ തെരുവ് നായ്ക്ക്ള്‍ ആക്രമിച്ചത്. ഗുരുതരമായി പരുക്കേറ്റ ശങ്കരനെ ആശുപത്രിയിലേക്ക് കൊണ്ടുപോകുവഴിയാണ് മരിച്ചത്.
ലോക്ക് ഡൗണിന് പിന്നാലെ ജില്ലയിലെ വിവിധ ഇടങ്ങളില്‍ തെരുവ് നായ ശല്യം രൂക്ഷമായതായി പരാതി ഉയര്‍ന്നിരുന്നു.
ആളുകള്‍ പുറത്തിറങ്ങാതിരുന്നതോടെ കവലകളും തെരുവുകളും തെരുവ് നായകള്‍ കയ്യേറുകയായിരുന്നു. അടുത്തിടെ ചുള്ളിപ്പാറയിലുണ്ടായ തെരുവ് നായ ആക്രമണത്തില്‍ കുട്ടികള്‍ ഉള്‍പ്പെടെ 6 പേര്‍ക്ക് പരുക്കേറ്റിരുന്നു.
