പോപ്പുലര്‍ ഫ്രണ്ട് നിരോധനം : “ആദ്യ നിലപാടില്‍ ഉറച്ച് നില്‍ക്കുന്നു, ഞാന്‍ ഒരു ബാപ്പക്ക് ജനിച്ചവന്‍” പി എം എ സലാമിനെതിരെ എം കെ മുനീര്‍
പോപ്പുലര്‍ ഫ്രണ്ട് നിരോധനം സംബന്ധിച്ച നിലപാടില്‍ യാതൊരു മാറ്റവുമില്ലന്ന് ഡോ. എം കെ മുനീര്‍. രാവിലെ പറഞ്ഞത് സന്ധ്യക്ക് മാറ്റിപ്പറയുന്ന രീതി ലീഗുകാര്‍ക്കില്ലന്നും ഒരു ബാപ്പക്ക് ജനിച്ചവനാണ് താനെന്നും ഡോ. മുനീര്‍ വ്യക്തമാക്കി. പോപ്പുലര്‍ ഫ്രണ്ട് നിരോധിച്ച നടപടിയെ ആദ്യം സ്വാഗതം ചെയ്ത മുനീര്‍ പിന്നീട് നിലപാട് മാറ്റിയതായി സംസ്ഥാന ജനറല്‍ സെക്രട്ടറി പി എം എ സലാം പറഞ്ഞിരുന്നു.
പോപ്പുലര്‍ ഫ്രണ്ടിനെ നിരോധിച്ച നടപടി സംശയാസ്പദമാണെന്ന് ലീഗ് സംസ്ഥാന ജനറല്‍ സെക്രട്ടറി പി എം എ സലാം പറഞ്ഞിരുന്നു. ലീഗ് നേതാക്കള്‍ക്ക് നിരോധനത്തെക്കുറിച്ച് ഭിന്നാഭിപ്രായമില്ല. നിരോധനം വന്നയുടന്‍ പല നേതാക്കളും പ്രതികരിച്ചിരുന്നു. എന്നാല്‍ കാര്യങ്ങള്‍ വിലയിരുത്തിയതിന് ശേഷം നിലപാട് വ്യക്തമാക്കിയിട്ടുണ്ടെന്നും പിഎംഎ സലാം പറഞ്ഞു. പോപ്പുലര്‍ ഫ്രണ്ടിനെ തുടക്കം മുതല്‍ ലീഗ് എതിര്‍ത്തിരുന്നു. ലീഗിന് തീവ്രതപോരെന്ന്ആരോപി്ച്ചവരാണ് പി എഫ് ഐ . അവരോട് പിന്നീലൂടെ കൈകോര്‍ക്കാന്‍ ശ്രമിച്ചത് മറ്റു ചിലരാണെന്നും പി എം എ സലാം പറഞ്ഞു.
പി എഫ് ഐ യുടെ ആശയങ്ങള്‍ ജനാധിപത്യ രാജ്യത്തിന് ചേര്‍ന്നതല്ല, നിയമ നടപടിയെന്ന നിലയില്‍ പി എഫ് ഐ നിരോധനത്തെ അംഗീകരിക്കുന്നു. പോപ്പുലര്‍ ഫ്രണ്ടിന്റേതിനെ പോലെ വിധ്വംസക പ്രവര്‍ത്തനങ്ങള്‍ നടത്തുന്ന ആര്‍എസ്എസ് ഉള്‍പ്പെടെയുള്ള സംഘടനകള്‍ പ്രവര്‍ത്തിക്കുന്നുണ്ട്. ഈ സംഘടനകള്‍ക്ക് നേരെ നടപടിയെടുക്കാതെ പോപ്പുലര്‍ ഫ്രണ്ടിനെ മാത്രം നിരോധിക്കുന്നത് ഏകപക്ഷീയമായി നിരോധിച്ചതില്‍ സംശയകരമായ പലതുമുണ്ടെന്ന് സലാം പറഞ്ഞു.
