നിര്‍ത്തിയിട്ട തടിലോറിയില്‍ ബൈക്കിടിച്ചു; രണ്ട് മരണം
പെരുമ്പാവൂരില്‍ നിര്‍ത്തിയിട്ട ലോറിക്ക് പിന്നില്‍ ബൈക്കിടിച്ച് അപകടം. സി.പി.ഐ ബ്രാഞ്ച് സെക്രട്ടറി അടക്കം രണ്ടു പേര്‍ മരിച്ചു. പെരുമ്പാവൂര്‍ ടൗണ്‍ ബ്രാഞ്ച് സെക്രട്ടറി കെ.എസ് അജിത്ത്, സുഹൃത്ത് വിമല്‍ എന്നിവരാണ് മരിച്ചത്.
പുല്ലുവഴി എംസി റോഡില്‍ ഇന്നലെ രാത്രി 11 മണിക്കാണ് അപകടമുണ്ടായത്.റോഡരികില്‍ നിര്‍ത്തിയിട്ടിരുന്ന തടി ലോറിയിലേക്ക് ബൈക്ക് ഇടിച്ചു കയറുകയായിരുന്നു.
ലോറിയുടെ പിന്നില്‍ സിഗ്നല്‍ ലൈറ്റ് കത്തിയിരുന്നില്ല. അതിനാല്‍ ബൈക്കില്‍ വന്നവര്‍ ലോറി കാണാതെ ഇടിക്കുകയായിരുന്നു. ലൈറ്റില്ലാത്തതാണ് അപകടത്തിന് കാരണമെന്നാണ് പൊലീസ് പറയുന്നത്.
വളയന്‍ചിറങ്ങര പി.വി പ്രിസ്റ്റേഴ്സിലെ ജീവനക്കാരനാണ് വിമല്‍. ഇരുവരുടെയും മൃതദേഹം പെരുമ്പാവൂര്‍ താലൂക്ക് ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.
