ബിനീഷ് കോടിയേരിയുടെ ജാമ്യം റദ്ദാക്കണം; ആവശ്യവുമായി ഇ.ഡി. സുപ്രീം കോടതിയില്‍
സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകന്‍ ബിനീഷ് കോടിയേരിയുടെ ജാമ്യം റദ്ദാക്കണമെന്ന ആവശ്യവുമായി എന്‍ഫോഴ്‌സ്‌മെന്റ് ഡയറക്ടറേറ്റ് സുപ്രീംകോടതിയെ സമീപിച്ചു. കള്ളപ്പണം വെളുപ്പിക്കല്‍ കേസില്‍ അനുവദിച്ച ജാമ്യം റദ്ദാക്കണമെന്നാണ് ആവശ്യം.
ബെംഗളൂരുവിലെ ഇഡി ഡെപ്യൂട്ടി ഡയറക്ടറാണ് ഒക്ടോബറിലെ വിധിക്കെതിരെ ഹര്‍ജി നല്‍കിയിരിക്കുന്നത്. ലഹരി ഇടപാടിലെ കള്ളപ്പണം വെളുപ്പിക്കല്‍ സംബന്ധിച്ച് ബിനീഷിന് എതിരെ ശക്തമായ തെളിവുണ്ടെന്ന് ഇഡി കോടതിയെ അറിയിച്ചു.
കഴിഞ്ഞ ഒക്ടോബര്‍ 28ന് കര്‍ണാടക കോടതിയാണ് ബിനീഷിന് ജാമ്യം അനുവദിച്ചത്. നേരിട്ടുള്ള തെളിവുകള്‍ ഹാജരാക്കാന്‍ അന്വേഷണ ഏജന്‍സിക്ക് കഴിഞ്ഞിട്ടില്ലെന്ന് ചൂണ്ടിക്കാട്ടി ഉപാധികളോടെയാണ് ജാമ്യം അനുവദിച്ചിരുന്നത്. കേസില്‍ നാലാം പ്രതിയാണ് ബിനീഷ്.
